01 ოქტომბერი 2015 დედაქალაქის მუნიციპალიტეტის საკრებულოში ურბანული დაგეგმარებისა და საქალაქო მეურნეობის, ასევე გარემოს დაცვის კომისიების გაერთიანებული სხდომა გაიმართა, სადაც დეპუტატებმა დღის წესრიგით გათვალისწინებული საკითხები განიხილეს.
კერძოდ, დეპუტატებმა თბილისში, გლდანის მე-6 მ/რ-ში და მოსკოვის გამზირზე მდებარე ავარიულ საცხოვრებელ სახლებზე გამაგრება-გაძლიერების მე-2 ეტაპის და გორგასლის ქუჩაზე მდებარე საცხოვრებელ სახლში ჩასატარებელ სამუშაოებზე გამარტივებული შესყიდვით განხორციელებას დაუჭირეს მხარი.
დღესვე, კომისიების წევრებმა დედაქალაქის მიწათსარგებლობის გენერალური გეგმის დამტკიცების შესახებაც იმსჯელეს.
გაერთიანებული კომისიების სხდომას, დეპუტატების გარდა, თბილისის მერიის არქიტექტურისა და კეთილმოწყობის საქალაქო სამსახურების, ქონების მართვის სააგეტოსა და კრწანისის რაიონის გამგეობის წარმომადგენლები დაესწრნენ.
