დედაქალაქის საკრებულოში  გარემოს დაცვის კომისიის სხდომა გაიმართა, რომელსაც კომისიების თავმჯდომარე ერეკლე კუხიანიძე უძღვებოდა. 

დეპუტატებმა  განაშენიანების რეგულირების გეგმის გეგმარებითი დავალებებისა და განაშენიანების რეგულირების გეგმის პროექტების, ასევე დედაქალაქის მიწათსარგებლობის გენერალური გეგმის დამტკიცების შესახებ თბილისის  საკრებულოს 2014 წლის დადგენილებაში ცვლილების შეტანის თაობაზე იმსჯელეს. 

აღნიშნულის  თაობაზე ინფორმაცია კომისიის წევრებს  თბილისის მერიის ურბანული დაგეგმარების საქალაქო სამსახურის წარმომადგენელმა ეკატერინე ცეცხლაძემ მიაწოდა.

სხდომაზე წარმოდგენილი საკითხების ნაწილს  დეპუტატებმა დადებითი რეკომენდაცია მისცეს,  ნაწილი კი შემდგომი შესწავლის მიზნით, მომავალი სხდომისთვის გადაიდო.