დედაქალაქის მუნიციპალიტეტის საკრებულოს გარემოს დაცვის კომისიის სხდომაზე თბილისის მერიის ეკოლოგიისა და გამწვანების საქალაქო სამსახურის მიერ წარმოდგენილი პროექტების შესახებ და დღის წესრიგით გათვალისწინებულ სხვა საკითხებზე იმსჯელეს.
კომისიის თავმჯდომარემ შორენა ბუხრაშვილმა, კომისიის წევრებს წარმოდგენილი პროექტების დეტალები გააცნო, რაც თბილისის მასშტაბით კაუჩუკის საფარიანი მოედნების მოწყობა–მონტაჟს, ბავშვთა სათამაშო ატრაქციონების მოწყობას თანმდევი პროცესის ჩათვლით, სასმელი წყაროებისა და სოკოების მოვლა–პატრონობას და ასევე ხეების ფასადური და პროფილური სხვლა–ფორმირებისა და ქალაქში არსებული ხმელი და ავარიული ხეების მოჭრის მომსახურებას ეხებოდა.
კომისიამ დადებითად შეაფასა გამწვანების ღონისძიებებთან დაკავშირებული ოთხივე პროექტი, რომლებსაც საკრებულოს ბიუროს სხდომაზე დღესვე განიხილავენ.
დეპუტატების გარდა, სხდომას თბილისის მუნიციპალიტეტის მერიის გამწვანებისა და ეკოლოგიის საქალქო სამსახურის წარმომადგენლებიც ესწრებოდნენ.