საკრებულოში განათლების და კულტურის კომისიის პირველი სხდომა გაიმართა, რომელსაც კომისიის თავმჯდომარე ბექა ოდიშარია უძღვებოდა.

საკრებულოს   VIII მოწვევის   პირველ  კომისიის სხდომაზე,  ბექა ოდიშარიამ კომისიის ინიციატივითა და მხარდაჭერით განხორციელებული პროექტების შესახებ ისაუბრა.  მისი თქმით, კულტურის სფეროს განვითარების ხელშეწყობის ფარგლებში არაერთი პროექტი დაფინანსდა. მათ შორის: საიუბილეო და შემოქმედებითი საღამოები, ფესტივალი და კონკურსები ასევე, საგამოფენო, საგანმანათლებლო და შემოქმედებითი ღონისძიებები.

განათლებისა და კულტურის კომისიის სხდომაზე  თავმჯდომარემ  საუბრისას განსაკურთებული ყურადღება გაამახვილა კომისიის მიერ დაგეგმილ ღონისძიებებსა და სამომავლო გეგმებზე. როგორც ბექა ოდიშარიამ კომისიის სხდომაზე აღნიშნა, მუნიციპალიტეტისთვის  კვლავ პრიორიტეტად რჩება განათლებისა და კულტურის სფეროების მხარდაჭერა, რაც უზრუნველყოფს კულტურულ-საგანმანათლებლო პროექტების წარმატებით განხორციელებას.

სხდომაზე, კომისიის წევრები სამუშაო პროცესს გაეცნენ და სამომავლო გეგმების შესახებ ამომწურავი ინფორმაცია მოისმინეს.