თბილისის საკრებულოში გამართულ განათლებისა და კულტურის კომისიის სხდომაზე, დეპუტატებს დღის წესრიგით გათვალისწინებული საკითხები კომისიის თავმჯდომარემ თამარ ტალიაშვილმა წარუდგინა.

კომისიის წევრებმა თბილისის 2018 წლის ბიუჯეტში შესატანი ცვლილების პროექტი განიხილეს, რომლის თანახმადაც „სკოლამდელი აღზრდის დაწესებულებების ხელშეწყობა“ იზრდება.

სხდომაზე ასევე განიხილეს მოქალაქე ლევან ჟვანიას განცხადება, რომელიც  მე-20 საუკუნის ქართველი პოეტის ვანლერ დაისელის (ივანე ბაბუაძე) წიგნის გამოცემას ეხება.  პოეტი ბოლშევიკურ რეჟიმთან დაპირისპირების გამო  1924 და 1929 წწ  დააპატიმრეს და  გადაასახლეს.

განათლებისა და კულტურის კომისიის სხდომაზე, ასევე იმსჯელეს შინდისში მდებარე სსიპ ქალაქ თბილისის N212 საჯარო სკოლისთვის ნიკოლოზ ბარათაშვილის სახელის მინიჭების შესახებ.

კომისიის სხდომაზე წარმოდგენილ საკითხებს, საკრებულოს სხდომაზე განსახილველად დადებითი რეკომენდაციები მიეცა.

სხდომას თბილისის  მერიის წარმომადგენლები და  დაინტერესებული მოქალაქეები ესწრებოდნენ.