თბილისის საკრებულოში სარევიზიო კომისიის სხდომა გაიმართა, რომელზეც დღის წესრიგით წარმოდგენილი საკითხები დეპუტატებს კომისიის თავმჯდომარემ რიმა ბერაძემ გააცნო.

კომისიის წევრებს  შპს „ჰერმესის“ მიერ   2017 წლის 1 მარტიდან 2018 წლის 1 აპრილამდე პერიოდში გაწეული საფინანსო-სამეურნეო საქმიანობის სარევიზიო შემოწმება-ანალიზის  დასკვნის თაობაზე ინფორმაცია სარევიზიო ჯგუფის ხელმძღვანელმა ბესიკ ახვლედიანმა მიაწოდა.

როგორც სხდომაზე აღინიშნა, წარმოდგენილი შენიშვნა-რეკომენდაციები შემდგომი რეაგირებისთვის  შპს „ჰერმესს“ გადაეგზავნება.

დღესვე სხდომაზე კომისიის წევრებმა შემმოწმებელი ჯგუფის წევრს რომან მხეიძეს მოუსმინეს, რომელმაც დეპუტატებს   ა(ა)იპ ქ.თბილისის N92 საბავშვო ბაგა-ბაღის მიერ   2015 წლის 1 იანვრიდან  2017 წლის 31 დეკემბრის ჩათვლით პერიოდში გაწეული საფინანსო-სამეურნეო საქმიანობის სარევიზიო შემოწმება-ანალიზის დასკვნა წარუდგინა.

სარევიზიო კომისიის სხდომას შპს „ჰერმესის“ ხელმძღვანელი მიხეილ ძაგანია, ასევე N92 საბავშვო ბაგა-ბაღის დირექტორი თეონა ბოჭორიშვილი და ბაგა-ბაღების სააგენტოს წარმომადგენლები ესწრებოდნენ.