თბილისის საკრებულოში გამართულ სარევიზიო კომისიის სხდომაზე, ააიპ “მუნიციპალური სერვისების განვითარების სააგენტოს“ მიერ გასული წლის  1 იანვრიდან - 31 დეკემბრის ჩათვლით პერიოდში გაწეული, საფინანსო-სამეურნეო საქმიანობის სარევიზიო შემოწმება-ანალიზის დასკვნა განიხილეს.

სხდომაზე, რომელსაც კომისიის თავმჯდომარე რიმა ბერაძე უძღვებოდა ასევე იმსჯელეს ააიპ თბილისის N10 საბავშვო ბაგა-ბაღის მიერ 2015 წლის 1 იანვრიდან 2017 წლის 31 დეკემბრის ჩათვლით პერიოდში გაწეული საფინანსო-სამეურნეო საქმიანობის სარევიზიო შემოწმება-ანალიზის დასკვნის შესახებ.

დღესვე, დასკვნების განხილვის შემდეგ, მოწვეულმა სტუმრებმა “მუნიციპალური სერვისების განვითარების სააგენტოს“ თავმჯდომარემ  ვახტანგ ჭედიშვილმა,  თავმჯდომარის მოადგილემ  ნათია ლატარიამ,  შესყიდვების ინსპექტორმა ლადო კილასონიამ და N10 ბაგა-ბაღის დირექტორმა  ნინო კეკელიამ სარევიზიო კომისიის წევრების კითხვებს უპასუხეს.

სხდომის დასასრულს, სარევიზიო კომისიის თავმჯდომარემ კომისიის მიერ შემუშავებული რეკომენდაციები წარადგინა.