თბილისის საკრებულოში სარევიზიო კომისიის სხდომა გაიმართა, რომელზეც დედაქალაქის მუნიციპალიტეტის 2020 წლის ბიუჯეტში განსახორცილებელი ცვლილებები მერიის საფინანსო საქალაქო სამსახურის უფროსმა გაიოზ თალაკვაძემ  წარმოადგინა.

სხდომაზე დეპუტატებმა დღის წესრიგით გათვალისწინებული 8 საკითხი განიხილეს  და ამასთან,   თბილისის  2019 წლის ბიუჯეტის შესრულების წლიური ანგარიში მოისმინეს.

გარდა ამისა, კომისიის წევრებმა  2017 წლის 1 ივნისიდან - 2019 წლის 1 ივლისამდე პერიოდში ვაკის, მთაწმინდის, გლდანისა და ჩუღურეთის რაიონების გამგეობების მიერ გაწეულ საფინანსო-სამეურნეო საქმიანობის სარევიზიო შემოწმების მასალებთან ერთად, თბილისის №72-ე საბავშვო ბაგა-ბაღის 2-წლიანი მუშაობის პერიოდიც შეისწავლეს და შესაბამისი რეკომენდაცია გასცეს.

დღესვე დეპუტატები კომისიის 2020 წლის სამუშაო გეგმაში შესატან ცვლილებებზეც შეჯერდნენ.