თბილისის საკრებულოს სარევიზიო კომისიის სხდომაზე, დედაქალაქის რამდენიმე საბავშვო ბაგა-ბაღის საფინანსო-სამეურნეო საქმიანობის სარევიზიო შემოწმება-ანალიზის დასკვნები განიხილეს.

სხდომაზე, რომელსაც კომისიის თავმჯდომარე რიმა ბერაძე უძღვებოდა, ასევე იმსჯელეს ააიპ „თბილისის პარასპორტის განვითარების ცენტრსა“ და ქვემო ფონიჭალაში მიმდინარე ახალი საბავშვო ბაგა-ბაღის მშენებლობაზე.

დღესვე სარევიზიო კომისიის წევრებს საკუთარი საქმიანობის შესახებ ინფორმაცია   თბილისის ბაგა-ბაღების მართვის  სააგენტოს უფროსმა  კახა გვანცელაძემ მიაწოდა და დეპუტატების შეკითხვებს უპასუხა.

სხდომის დასასრულს სარევიზიო კომისიის თავმჯდომარემ კომისიის მიერ შემუშავებული რეკომენდაციები წარადგინა.

საკრებულოს სარევიზიო კომისიის სხდომას ბაგა-ბაღების მართვის  სააგენტოს და „თბილისის პარასპორტის განვითარების ცენტრის“ წარმომადგენლები, ასევე საბავშვო ბაგა-ბაღების დირექტორები ესწრებოდნენ.