თბილისის მუნიციპალიტეტის საკრებულოს ჩუღურეთის რაიონის მაჟორიტარმა წევრმა რიმა ბერაძემ მოქალაქეთა ტრადიციული მიღება გამართა. მოსახლეობამ მაჟორიტარს ძირითადად სოციალურ, ინფრასტრუქტურულ, დასაქმების, ჯანდაცვისა და მიწის ლეგალიზაციის საკითხებზე მიმართა. დეპუტატის ბიუროში შემოსულ განცხადებებზე რეაგირების მიზნით, შუამდგომლობები მომზადდა და შესაბამის სამსახურებს გადაეგზავნათ.