საქართველოს ორგანული კანონის  „ადგილობრივი თვითმმართველობის კოდექსის“ 81-ე, 82-ე და 83-ე მუხლებისა და „საჯარო მოხელეთა ატესტაციის ჩატარების წესის დამტკიცების შესახებ“ 2014 წლის 18 ივნისის N411 დადგენილების საფუძველზე, დედაქალაქის მუნიციპალიტეტის ადგილობრივი თვითმმართველობის წარმომადგენლობითი ორგანოს აპარატი თბილისის მუნიციპალიტეტის საკრებულოს აპარატის მოხელეთა საკონკურსო-საატესტაციო პირობებს აცხადებს.

 ატესტაცია ორ ეტაპად ჩატარდება და მას საკრებულოს აპარატის 117 მოხელე ექვემდებარება. 

პირველ ეტაპს-ტესტირებას მიმდინარე წლის 16 მაისს იუსტიციის სასწავლო ცენტრი ჩაატარებს. ხოლო მეორე-ეტაპს-გასაუბრებას კი, დედაქალაქის წარმომადგენლობითი ორგანოს საკონკურსო-საატესტაციო კომისია არაუგვიანეს 20 ივნისისა.

ატესტაციის პირველი ეტაპის-ტესტირების მინიმალური გამსვლელი ზღვარი, კანდიდატის მიერ გაცემული სწორი პასუხების 65,5 %-ით, ანუ 40 ქულით იქნება განსაზღვრული.