თბილისის მუნიციპალიტეტის საკრებულოს აპარატის თანამშრომლები სტიქიით დაზარალებულთა დახმარების პროცესში პირველი დღიდან აქტიურად არიან ჩართულნი.

18 ივნისს დედაქალაქის წარმომადგენლობითი ორგანოს  მოხალისეთა ჯგუფმა წყნეთში,  ამილახვარის ქუჩაზე მეწყერის შედეგად დაზიანებული სახლის გაწმენდით სამუშაოებში მიიღო მონაწილეობა.

შენობას, რომელშიც ორი მოხუცი, მათ შორის ერთი ლოგინად ჩავარდნილი ცხოვრობს, მოხალისეები ბეტონის,  ქვა-ღორღისა და ნაშალი მასალისგან 2 დღის მანძილზე ასუფთავებდნენ.

საკრებულოს აპარატის თანამშრომლები წყნეთში მორიგეობას ყოველდღიურად, დახმარებას ყველა ოჯახს უწევენ.