თბილისის საკრებულოს თავმჯდომარე, მთაწმინდის რაიონის მაჟორიტარი ზურაბ აბაშიძე  რაიონის გამგებელ დავით კირკიტაძესთან ერთად მთაწმინდის რაიონში, ალექსანდრე გრიბოედოვის ქ. N16-ში იმყოფებოდა, სადაც საცხოვრებელი სახლის კაპიტალური გამაგრების მიზნით ჩატარებული სამუშაოები დაათვალიერა და ადგილობრივ მოსახლეობას შეხვდა. შენობა კულტურული მემკვიდრეობის ძეგლია და  გასამაგრებელი სამუშაოები „ბინათმესაკუთრეთა ამხანაგობების განვითარების ხელშეწყობის პროგრამის" ფარგლებში განხორციელდა.  გრიბოედოვის ქ. N16-ში 15 ოჯახი ცხოვრობს. პროექტის დასრულების შემდეგ მათი საცხოვრებელი პირობები გაუმჯობესდა.

პროექტის ფარგლებში,   სახლის საძირკველი მონოლითური რკინა-ბეტონით გამაგრდა, რისთვისაც მზიდ კედლებზე არმატურის ბადე მოეწყო;  ლითონის კუთხოვანებით ჩარჩოში ჩაისვა  ფანჯრებისა და კარების ღიობები, ბზარები კი სპეციალური მასალით დამუშავდა.  აგრეთვე  რეაბილიტაცია ჩაუტარდა შენობის ფასადსა და „თბილსერვის ჯგუფის" მიერ მხატვრულ-არქიტექტურული განათება მოეწყო; აღდგა აივნები და შუშაბანდი და მათ პირვანდელი სახე დაუბრუნდა.