თბილისის საკრებულოში სპორტისა და ახალგაზრდულ საქმეთა კომისიის სხდომა გაიმართა, რომელსაც კომისიის თავმჯდომარე გურამ  ოქროპირიძე   უძღვებოდა. 

სხდომაზე, 2024 წლის ბიუჯეტში ცვლილებები შესახებ იმსჯელეს,  რომელიც  დედაქალაქის მერიის საფინანსო საქალაქო სამსახურის უფროსის მოადგილემ   ლევან მიქავამ წარადგინა. 

პროექტის თანახმად, ბიუჯეტის მოცულობა  იზრდება 19 591,6

ათასი ლარით და  2024 წლის ბიუჯეტი ჯამურად  შეადგენს 2 077 927,2 ათას ლარს.

2024 წლის ბიუჯეტში შესატანი ცვლილებების შესაბამისად,  სპორტის განვითარების ხელშეწყობისა  და  ახალგაზრდული ღონისძიებების პროგრამები  იზრდება  4 110,1  ათასი ლარით, რაც მოხმარდება  2024 წელს მსოფლიო და ევროპის ჩემპიონატებში მიღწეული წარმატებებისათვის თბილისელი სპორტსმენებისა და მათი მწვრთნელების მატერიალურ წახალისებას და ასევე, სპორტული და ახალგაზრდული  ღონისძიებების ხელშეწყობას.

კომისიის წევრებმა სხდომაზე წარმოდგენილ 2024 წლის ბიუჯეტის ცვლილების პროექტს მხარი დაუჭირეს.