დედაენის დღესთან დაკავშირებით, თბილისის საკრებულოს საბურთალოს რაიონის მაჟორიტარი ავთანდილ ცინცაძე თბილისის 158-ე საჯარო სკოლას ესტუმრა და მოსწავლეებს შეხვდა.

„14 აპრილი უმნიშვნელოვანესი დღეა ჩვენი ქვეყნის ისტორიაში. 46 წლის წინ, მშობლიური ენის დასაცავად ათიათასობით მოქალაქე გაერთიანდა და მასშტაბურმა საპროტესტო ტალღამ შეძლო ის, რომ მომავალ თაობებს ქართული ენა, როგორც სახელმწიფო ენა შეუნარჩუნა. ჩვენი ყველას ვალია, სწორედ პირველი კლასიდან შევაყვაროთ პატარებს ქართული ენა, ჩვენი უნიკალური დამწერლობა. ვასწავლოთ მისი დაცვა და მოფრთხილება. დარწმუნებული ვარ, თქვენი ნიჭიერებით და შრომით, კიდევ უფრო უკეთეს საქართველოში ვიცხოვრებთ“,-განაცხადა ავთანდილ ცინცაძემ.

საბურთალოს მაჟორიტარმა წევრმა მოსწავლეებს სიმბოლური საჩუქრები გადასცა.