ქ. თბილისის მუნიციპალიტეტის საკრებულოს ფრაქციის „თბილისი“ პოლიტიკური
პლატფორმა
ქ. თბილისის მუნიციპალიტეტის საკრებულოს ფრაქციის „თბილისი“ პოლიტიკური პლატფორმა ეფუძნება საქართველოს კონსტიტუციას და მოქმედ კანონმდებლობას. ფრაქციის „თბილისი“ ძირითად მიზნებს და ამოცანებს წარმოადგენს:
ქალაქ თბილისის მუნიციპალიტეტის მოსახლეობის მიერ საქართველოს ორგანული კანონის „ადგილობრივი თვითმმართველობის კოდექსით“ გარანტირებული უფლებების განხორციელებაში ხელშეწყობა;
ადგილობრივი თვითმმართველობის უფლებამოსილების განხორციელების დამოუკიდებლობა, დემოკრატიული ღირებულებების, საერთო-სახელმწიფოებრივი და ადგილობრივი ინტერესების ერთიანობის პრინციპების გათვალისწინებით;
ადამიანის საყოველთაოდ აღიარებული უფლებებისა და თავისუფლებების დაცვა;
ადგილობრივი თვითმმართველობის განხორციელებისას კანონის უზენაესობისა და კანონის წინაშე თანასწორობის პრინციპების დამკვიდრება;
დემოკრატიული მმართველობის სისტემის ჩამოყალიბების მიზნით ადგილობრივი თვითმმართველობის ორგანოების საქმიანობაზე საზოგადოებრივი კონტროლის მექანიზმების შექმნა;
ადგილობრივი თვითმმართველობის ორგანოების საქმიანობის საჯაროობისა და გამჭვირვალობის უზრუნველყოფა;
ადგილობრივი თვითმმართველობის განხორციელებაში სამოქალაქო საზოგადოების აქტიური მონაწილეობის ხელშეწყობა;
დედაქალაქის კულტურულ -არქიტექტურული ძეგლების და ისტორიული უბნების დაცვისათვის ზრუნვა და ამ კუთხით დედაქალაქის სამსახურების გადაწყვეტილებათა კონტროლი.დედაქალაქის კულტურულ-საგანმანათლებლო დაწასებულებების საქმიანობაზე კონტროლი და კულტურის და განათლების საქალაქო პოლიტიკისადმი ხელშეწყობა;
მუნიციპალური ბიუჯეტის ხარჯვის მკაცრი კონტროლი, საბიუჯეტო სახსრების მიზნობრიობის განსაზღვრასა და მის განკარგვაზე ინფორმაციის ხელმისაწვდომობის უზრუნველყოფის გზით;
მუნიციპალური ჯანმრთელობის დაცვის სისტემის დანერგვის ხელშეწყობა;
ქალაქ თბილისის მუნიციპალიტეტის მოსახლეობის დასაქმების პროგრამების განხორციელებაში აქტიური მონაწილეობა;
ქალაქ თბილისის მუნიციპალიტეტის მერის და თბილისის მთავრობის სხვა თანამდებობის პირების საქმიანობის კონტროლი, მათი საქმიანობის შესახებ ანგარიშების მოსმენა და შეფასება;
ადგილობრივი თვითმმართველობის ორგანოების კომპეტენციას მიკუთვნებული სხვა საკითხების განხილვასა და გადაწყვეტილების მიღების პროცესში მონაწილეობა;
აღნიშნული მიზნებისა და ამოცანების განსახორციელებლად სახელმწიფო და ადგილობრივი თვითმმართველობის ორგანოებთან, პოლიტიკურ გაერთიანებებთან, საზოგადოებრივ და არასამთავრობო ორგანიზაციებთან, შესაბამისი დარგის ექსპერტებთან და სპეციალისტებთან თანამშრომლობა.