ქალაქ თბილისის საკრებულო

ფრაქციის პოლიტიკური პლატფორმა

მიღებულია საკრებულოს ფრაქცია „ევროპული საქართველო - თბილისი“-ს

2017 წლის 15 ნოემბრის დამფუძნებელ სხდომაზე

ფრაქციის თავმჯდომარე გიორგი გაბაშვილი

ქ. თბილისის მუნიციპალიტეტის საკრებულოს ფრაქცია

,,ევროპული საქართველო - თბილისი“-ს

პოლიტიკური პლატფორმა

ქ. თბილისის მუნიციპალიტეტის საკრებულოს ფრაქცია ,,ევროპული საქართველო - თბილისი“-ს პოლიტიკური პლატფორმა დაფუძნებულია საქართველოს კონსტიტუციაზე და საქართველოში მოქმედ კანონმდებლობაზე.

ფრაქციის მიზნებსა და ამოცანებს წარმოადგენს:

1. მოსახლეობის მიერ საქართველოს ორგანული კანონის „ადგილობრივი თვითმართველობის კოდექსით“ გარანტირებული უფლებების განხორციელების უზრუნველყოფა:

2. ბიუჯეტის პროექტის შედგენისას თბილისის მოსახლეობის ინტერესების მაქსიმალური გათვალისწინება;

3. მუნიციპალიტეტში ეკონომიკისა და ბიზნესის განვითარების ხელშეწყობა, მოსახლეობის სოციალური პირობების გაუმჯობესებისთვის ხელშეწყობა;

4. ადგილობრივი თვითმმართველობის ორგანოების საქმიანობის საჯაროობის და გამჭირვალობის უზრუნველყოფა, საზოგადოების აქტიური მონაწილეობის ხელშეწყობა;

5. მუნიციპალური ბიუჯეტის ხარჯვის მკაცრი კონტროლი, საბიუჯეტო სახსრების მიზნობრიობის განსაზღვრა და მის განკარგვაზე ინფორმაციის ხელმისაწვდომობის უზრუნველყოფის გზით;