თბილისის მუნიციპალიტეტის საკრებულოს თავმჯდომარემ გიორგი ალიბეგაშვილმა დედაქალაქის მერთან დავით ნარმანიასთან, საკრებულოს განათლებისა და კულტურის კომისიის თავმჯდომარესთან თამარ ტალიაშვილთან, ასევე დედაქალაქის მერიისა და პარლამენტის წარმომადგენლებთან ერთად საბურთალოზე მდებარე გაუქმებულ საბავშვო ბაგა-ბაღის გამაგრებითი სამუშაოები დაათვალიერა.
ავარიული ნაწილის გამაგრება საბურთალოს რაიონში, გამსახურდიას გამზირის N23 (ა)-ში მდებარე საბავშვო ბაგა-ბაღში მიმდინარეობს, სადაც შენობის შიდა სივრცისა და ეზოს მოწყობა, ასევე ბაღის თანამედროვე სტანდარტებით აღჭურვა იგეგმება.
საბავშვო ბაღის გამაგრება-რეკონსტრუქცია-რემონტი 2017 წლის გაზაფხულზე დასრულდება და აქ აღსაზრდელთა 9 ჯგუფი ამოქმედდება.
აღნიშნული ბაღის აღდგენით საბურთალოს რაიონში თავისუფალი ადგილების დეფიციტი მნიშვნელოვნად შემცირდება, რადგან ბაღი სკოლამდელი განათლებით 350-მდე ბავშვის უზრუნველყოფას შეძლებს.
გამსახურდიას 23(ა)-ში მდებარე ყოფილი ბაგა-ბაღის ადგილზე შპს „ელზურო“ მრავალფუნქციური საცხოვრებელი კომპლექსის აშენებას გეგმავდა, თუმცა, მოსახლეობის მოთხოვნით, ტერიტორია შენობა-ნაგებობასთან ერთად თბილისის მერიას გადაეცა. თბილისის მთავრობამ გადაწყვეტილება მოქალაქეებისა და კერძო კომპანიის ინტერესების გათვალისწინებით მიიღო, რომლის თანახმადაც, შპს „ელზუროს“ გამსახურდიას გამზირის N23 (ა)-ში მდებარე მიწის ნაკვეთის სანაცვლოდ საკუთრებაში N 63-ში მდებარე მიწის ნაკვეთი და მასზე განთავსებული შენობა - ნაგებობა გადაეცემა.
თბილისის საკრებულოში ეკონომიკური განვითარების, საინვესტიციო პოლიტიკის და საერთაშორისო ურთიერთობების კომისიის სხდომა გაიმართა
აპრილი 25,2024იურიდიულ საკითხთა და ადამიანის უფლებათა დაცვის კომისიამ საკრებულოს კომისიათა შემადგენლობის ცვლილება განიხილა
აპრილი 25,2024თბილისის საკრებულოში გარემოს დაცვის კომისიის სხდომა გაიმართა
აპრილი 25,2024