თბილისის საკრებულოს ჯანმრთელობის დაცვის და სოციალურ საკითხთა კომისიის თავმჯდომარე ზურაბ ჩიკვილაძე თურქეთის თანამშრომლობისა და კოორდინაციის სააგენტოს (TIKA) მისიის ხელმძღვანელთან თუბა ოზუთოქთან და მერიის ჯანდაცვისა და სოციალური მომსახურების საქალაქო სამსახურის წარმომადგენელთან თამარ გოგიტიძესთან ერთად ეროვნული სკრინინგ ცენტრის დიდუბის ფილიალს ეწვია.
ცენტრის სამუშაო პროცესი სტუმრებს სკრინინგ ცენტრის დირექტორმა ეთერ კიღურაძემ გააცნო, ცენტრის საქმიანობისა და არსებული პროგრამების თაობაზე დეტალური ინფორმაცია მიაწოდა და ამასთანავე, ურთიერთთანამშრომლობასა და სამომავლო გეგმებზე ესაუბრა.
როგორც ეთერ კიღურაძემ აღნიშნა, სკრინინგ ცენტრის ძირითადი მიზანი დაავადებათა დროული დიაგნოსტიკაა.
კიბოს წინააღმდეგ ბრძოლაში საზოგადოების ინფორმირებულობის მნიშვნელობაზე ზურან ჩიკვილაძემ ისაუბრა.
„კიბოს წინააღმდეგ ბრძოლაში საზოგადოების ინფორმირებულობის ზრდა და ცნობიერების ამაღლება უმნიშვნელოვანეს ადგილს იკავებს. ადრეული დიაგნოსტიკა, სკრინინგი საუკეთესო პრევენცია და ჯანმრთელი ცხოვრების წინაპირობაა “,- განაცხადა ზურაბ ჩიკვილაძემ და საინტერესო და ნაყოფიერი შეხვედრისთვის მასპინძლებს მადლობა გადაუხადა.
ზურაბ ჩიკვილაძე უცხოელ პარტნიორებთან ერთად „თბილისის მუნიციპალურ თავშესაფარს“ ეწვია
ივნისი 24,2024საკრებულოში ჯანმრთელობის დაცვის და სოციალურ საკითხთა კომისიის სხდომა გაიმართა
ივნისი 14,2024თბილისის საკრებულოს და „ამერიკან ჰოსპიტალ ნეთვორქს“ შორის ურთიერთთანამშრომლობის მემორანდუმი გაფორმდა
ივნისი 07,2024