თბილისის საკრებულოში ეროვნული სკრინინგ ცენტრის თანამშრომლებმა, თბილისის საკრებულოს მაჟორიტარი დეპუტატების სამდივნოების წარმომადგენლებთან საინფორმაციო ხასიათის შეხვედრა გამართეს, რომელიც დაავადებათა სკრინინგის პროგრამის თაობაზე მოსახლეობის ინფორმირებასა და საზოგადოების ცნობიერების ამაღლებას ისახავს მიზნად.
ღონისძიება თბილისის საკრებულოს აპარატის ინიციატივით და საკრებულოს ჯანმრთელობის დაცვის და სოციალურ საკითხთა კომისიის სამდივნოს ორგანიზებით გაიმართა.
დედაქალაქის წარმომადგენლობითი ორგანოს დიმიტრი ყიფიანის სახელობის დარბაზში გამართული შეხვედრა, საკრებულოს აპარატის უფროსის მოადგილემ ელენე კაპანაძემ გახსნა, რის შემდეგაც, ეროვნული სკრინინგ ცენტრის დირექტორმა ეთერ კიღურაძემ ცენტრის საქმიანობისა და დაავადებათა სკრინინგის პროგრამის შესახებ პრეზენტაცია წარმოადგინა.
მან ასევე ისაუბრა სკრინინგის პროგრამის მნიშვნელობასა და საჭიროებაზე, როგორც კიბოს პრევენციის საშუალებაზე, მომართვიანობის სტატისტიკასა და ყველა იმ კომპონენტზე, რომელიც საქართველოს მოქალაქეებს უფასო გამოკვლევების ჩატარების საშუალებას აძლევს.
საინფორმაციო შეხვედრაზე დამსწრეებმა ასევე ისაუბრეს სკრინინგისთვის მოსამზადებელ პროცედურებზე, პროგრამის გეოგრაფიული ხელმისაწვდომობასა და პროგრამის მაღალი ხარისხის უზრუნველსაყოფად მიმართულ ღონისძიებებზე.
ეროვნული სკრინინგ ცენტრის მიერ გამართული საინფორმაციო შეხვედრების მიზანი, ადრეული გამოვლენის გზით სხვადასხვა ლოკალიზაციის კიბოს პრევენციაა, რაც მრავალ გადარჩენილ სიცოცხლეს ნიშნავს.
ზურაბ ჩიკვილაძე საკრებულოს აპარატისა და სამაჟორიტარო წარმომადგენლობების თანამშრომლებს შეხვდა
ივნისი 28,2024სამაჟორიტარო ბიუროების თანამშრომლებისთვის ტექნოლოგიებზე დაფუძნებული გენდერული ნიშნით ძალადობის შესახებ შეხვედრა გაიმართა
თებერვალი 26,2024ტექნოლოგიებზე დაფუძნებულ გენდერული ნიშნით ძალადობაზე თბილისის საკრებულოს თანამშრომლებთან შეხვედრა გაიმართა
თებერვალი 23,2024