31 იანვარი 2020
თბილისის საკრებულოს განათლებისა და კულტურის კომისიის თავმჯდომარე თამარ ტალიაშვილი თბილისის მოქალაქეებთან შეხვედრებს კვლავაც განაგრძობს.
შეხვედრაზე დეპუტატი მოქალაქეთა საჭიროებებსა და მათ წინაშე არსებულ გამოწვევებს ინდივიდუალურად განიხილავს.
„შეხვედრებზე ერთობლივად ვმსჯელობთ საინტერესო კულტურულ-საგანმანათლებლო პროექტებისა და მათთვის პრობლემური საკითხების თაობაზე. მჯერა, რომ სახელმწიფო მაშინ არის წარმატებული, როცა კავშირი მოქალაქესთან ძლიერია, შესაბამისად, მოქალაქეებთან შეხვედრები არის ჩემი, როგორც დეპუტატის სამუშაო ფორმატი,” – განაცხადა თამარ ტალიაშვილმა.
შეხვედრაზე განათლებისა და კულტურის კომისიის თავმჯდომარემ მოქალაქეებს კომპეტენციის ფარგლებში კონსულტაცია გაუწია და სამომავლო პროექტები განიხილა.
თამარ ტალიაშვილი ყველა დაინტერესებულ მოქალაქეს თბილისის საკრებულოში სისტემატიურად ხვდება.
