თბილისის საკრებულოს გლდანის ლუწი მიკრორაიონების მაჟორიტარმა დეპუტატმა  გულია გოცირიძემ, გლდანის გამგებელთან ბექა მიქაუტაძესთან ერთად, მიხეილ ხერგიანის ქუჩაზე მიმდინარე გზის მოწყობის სამუშაოები დაათვალიერა  და ადგილობრივ მოსახლეობას შეხვდა.

როგორც დეპუტატმა განაცხადა, ქუჩაზე, 1 800 კვ. მეტრის ფართობზე ასფალტის ორ  ფენიანი საფარი დაიგება, გზის გასწვრივ კი ბორდიურები მოეწყობა.

„ქუჩის საწყის მხარეს  ჩაიყრება ახალი გრუნტი, სადაც სამი საკანალიზაციო ჭა მოეწყობა. სამუშაოები უკვე მიმდინარეობს და დაახლოებით  ერთ თვეში დასრულდება“,- განაცხადა გულია გოცირიძემ.