თბილისის საკრებულოს საბურთალოს რაიონის მაჟორიტარმა დეპუტატმა, ავთანდილ ცინცაძემ, რაიონის გამგებელთან - გაიოზ ვასაძესთან ერთად, სარეაბილიტაციო სამუშაოები დაათვალიერა.

დიდ დიღომში, ნესტან-დარეჯანის ქუჩაზე პროექტი დასასრულს უახლოვდება, რომლის ფარგლებშიც, 11 864 კვ.მ ფართობზე ასფალტის ორფენიანი საფარი დაიგო. მოეწყო სანიაღვრე ქსელი და დიდ დიღომსა და სოფელ დიღომს შორის დამაკავშირებელი ახალი ხიდი გაშენდა.

 პროექტის ფარგლებში, ეზოებში ასევე მოეწყო საფეხმავლო ბილიკი, ბორდიური და დაიგო ასფალტის საფარი.