თბილისის საკრებულოს თავმჯდომარე გიორგი ტყემალაძე, საკრებულოს სპორტისა და ახალგაზრდულ საქმეთა კომისიის თავმჯდომარე გურამ ოქროპირიძე, საკრებულოს წევრები ვლადიმერ ბოჟაძე და ავთანდილ ცინცაძე სახელმწიფო ცერემონიების სასახლეში საქართველოს ოლიმპიელ სპორტსმენთა ფიცის დადების და პარიზის ზაფხულის XXXIII ოლიმპიურ თამაშებზე გაცილების ცერემონიას დაეწრნენ. ღონისძიება საქართველოს ეროვნული ოლიმპიური კომიტეტის ორგანიზებით გაიმართა.
პარიზის ზაფხულის XXXIII ოლიმპიურ თამაშებზე მონაწილეობას 28 ქართველი სპორტსმენი მიიღებს, რომლებიც სპორტის 10 სახეობაში იასპარეზებენ - ტყვიის სროლა, ფარიკაობა, ძალოსნობა, ძიუდო, კრივი, ბატუტზე ხტომა, თავისუფალი სტილით ჭიდაობა, ბერძნულ-რომაული სტილით ჭიდაობა, მძლეოსნობა, ცურვა.
აღსანიშნავია, რომ პირველად საქართველოს ისტორიაში ოლიმპიადაზე შერეულ გუნდურ ასპარეზობაში მედლისთვის იბრძოლებს ძიუდოისტ ქალ-ვაჟთა შერეული ნაკრები.
პარიზში, საქართველოს ოლიმპიური გუნდის მედროშეები ლაშა ტალახაძე და ნინო სალუქვაძე იქნებიან. პარიზის ზაფხულის XXXIII ოლიმპიური თამაშები 26 ივლისს გაიხსნება და 11 აგვისტოს დაიხურება.
თბილისის საკრებულოში დიასპორული მედია ასოციაციის დაფუძნების ცერემონია გაიმართა
ოქტომბერი 12,2024ზურაბ აბაშიძე და გურამ ოქროპირიძე მთაწმინდის რაიონში მრავალფუნქციური სპორტული ცენტრის გახსნას ესწრებოდნენ
ოქტომბერი 11,2024კომისიის სხდომაზე დღის წესრიგით წარმოდგენილი საკითხი განიხილეს
ოქტომბერი 11,2024