თბილისის საკრებულოს ჩუღურეთის რაიონის მაჟორიტარმა დეპუტატმა რიმა ბერაძემ და ამავე რაიონის გამგებელმა ზურაბ ჩიკვილაძემ ტურგენევის ქუჩის 4 ნომერში მიმდინარე ინფრასტრუქტურული სამუშაოები დაათვალიერეს და ადგილობრივ მცხოვრებლებს შეხვდნენ.

,,ეს არის ადგილი, სადაც 35-მდე ოჯახი ცხოვრობს. ამხანაგობამ ეზოს მხოლოდ ასფალტით მოპირკეთება ითხოვა, თუმცა ჩატარებული კვლევების მიხედვით, დადგინდა, რომ პირველ რიგში, აუცილებელია მიწისქვეშა კომუნიკაციების გამოცვლა, რომელიც 50 წლის მანძილზე ხელუხლებელია. ჩვენ აღნიშნული სამუშაოები დავიწყეთ, რის შემდეგაც ასფალტის საფარიც დაიგება“- აღნიშნა რიმა ბერაძემ.

როგორც ჩუღურეთის რაიონის მაჟორიტარმა დეპუტატმა განაცხადა, შემდგომ ეტაპზე, რიგითობის მიხედვით, ირგვლივ მდებარე სახლების გამაგრებაც იგეგმება, რაც წინასაარჩევნოდ ერთ-ერთი დაპირება იყო.