თბილისის საკრებულოს თავმჯდომარე გიორგი ტყემალაძე, საკრებულოს სპორტისა და ახალგაზრდულ საქმეთა კომისიის თავმჯდომარე გურამ ოქროპირიძე, საკრებულოს წევრები ვლადიმერ ბოჟაძე და ავთანდილ ცინცაძე სახელმწიფო ცერემონიების სასახლეში საქართველოს ოლიმპიელ სპორტსმენთა ფიცის დადების და პარიზის ზაფხულის XXXIII ოლიმპიურ თამაშებზე გაცილების ცერემონიას დაეწრნენ. ღონისძიება საქართველოს ეროვნული ოლიმპიური კომიტეტის ორგანიზებით გაიმართა.
პარიზის ზაფხულის XXXIII ოლიმპიურ თამაშებზე მონაწილეობას 28 ქართველი სპორტსმენი მიიღებს, რომლებიც სპორტის 10 სახეობაში იასპარეზებენ - ტყვიის სროლა, ფარიკაობა, ძალოსნობა, ძიუდო, კრივი, ბატუტზე ხტომა, თავისუფალი სტილით ჭიდაობა, ბერძნულ-რომაული სტილით ჭიდაობა, მძლეოსნობა, ცურვა.
აღსანიშნავია, რომ პირველად საქართველოს ისტორიაში ოლიმპიადაზე შერეულ გუნდურ ასპარეზობაში მედლისთვის იბრძოლებს ძიუდოისტ ქალ-ვაჟთა შერეული ნაკრები.
პარიზში, საქართველოს ოლიმპიური გუნდის მედროშეები ლაშა ტალახაძე და ნინო სალუქვაძე იქნებიან. პარიზის ზაფხულის XXXIII ოლიმპიური თამაშები 26 ივლისს გაიხსნება და 11 აგვისტოს დაიხურება.
თბილისის საკრებულოში წარმატებულ ქართველ ემიგრანტებთან შეხვედრა გაიმართა
სექტემბერი 11,2024გიორგი ტყემალაძე: „ახალი სატრანსპორტო კვანძი, ვაკე-საბურთალოს მიმართულებით, საავტომობილო მოძრაობას მნიშვნელოვნად განტვირთავს“
სექტემბერი 09,2024გიორგი ტყემალაძე „წყნეთობა 2024“-ის ფარგლებში გამართულ ღონისძიებებს დაესწრო
სექტემბერი 08,2024