წყნეთში, დადიანისა და ევროპის ქუჩებზე, საგზაო სამუშაოების მიმდინარეობას თბილისის საკრებულოს თავმჯდომარე, ვაკის რაიონის მაჟორიტარი გიორგი ტყემალაძე ვაკის რაიონის გამგებელ დავით კვინიკაძესა და საქართველოს პარლამენტის წევრ, ვაკის რაიონის მაჟორიტარ დეპუტატ ნოდარ ტურძელაძესთან ერთად გაეცნო.
წყნეთში რამდენიმე ქუჩაზე უკვე განახლდა ასფალტის საფარი და საჭიროებისამებრ სანიაღვრე ქსელებიც მოეწყო.
ამ დროისთვის კი გზის დაზიანებული საფარის განახლება დადიანისა და ევროპის ქუჩებზე მიმდინარეობს.
„წყნეთში გზების რეაბილიტაციას განვაგრძობთ, რაც ადგილობრივი მოსახლეობისთვის ძალიან მნიშვნელოვანია.
ამჟამად დადიანისა და ევროპის ქუჩებზე გზის დაზიანებული საფარის აღდგენითი სამუშაოები მიმდინარეობს, რაც გულისხმობს როგორც მიწისქვეშა კომუნიკაციების განახლებას, ასევე გზის საფარის აღდგენას“, - განაცხადა გიორგი ტყემალაძემ.
მთლიანობაში სარეაბილიტაციო არეალი 3 100 კვადრატულ მეტრ ფართობს მოიცავს. სამუშაოებს ვაკის რაიონის გამგეობის დაკვეთით შპს „ლუკრი“ აწარმოებს.
საკრებულოში მრავალშვილიანი დედების ნამუშევრების გამოფენა გაიმართა
ოქტომბერი 09,2024გიორგი ტყემალაძე: ,,დღეს ვაკის რაიონში ძალიან მნიშვნელოვანი და მასშტაბური პროექტი - წყნეთის გზატკეცილის სრული რეაბილიტაცია - დასრულდა’’
ოქტომბერი 09,2024კახა ლაბუჩიძემ ახლად გახსნილი N30 საბავშვო ბაღი დაათვალიერა
ოქტომბერი 08,2024