თბილისის საკრებულოში  ეკონომიკური განვითარების, საინვესტიციო პოლიტიკისა და საერთაშორისო ურთიერთობების კომისიის სხდომა გაიმართა, რომელზეც კომისიის წევრებმა კულტურული მემკვიდრეობის დამცავ ზონაში არსებული ავარიული შენობა-ნაგებობების რეაბილიტაციის/ჩანაცვლების მიზნით, ვანის ქუჩაზე მდებარე მიწის ნაკვეთთან მიმართებით გასატარებელი ღონისძიებების საკითხი შეათანხმეს.

დღესვე სხდომაზე  „ქალაქ თბილისის მუნიციპალიტეტის ტერიტორიაზე ავარიული მრავალბინიანი საცხოვრებელი სახლების ჩანაცვლების წესის დამტკიცების“ შესახებ საკრებულოს შესაბამის დადგენილებაში განსახორციელებელი ცვლილებებზე იმსჯელეს.

ეკონომიკური განვითარების, საინვესტიციო პოლიტიკისა და საერთაშორისო ურთიერთობების კომისიის სხდომას მერიის შესაბამისი სამსახურის წარმომადგენლები ესწრებოდნენ.

კომისიაზე დღეს განხილულ საკითხებს კი  თბილისის საკრებულოს უახლოეს სხდომაზე დაამტკიცებენ.